ფქვილი გავცრათ, შევურიოთ მცენარეულ ზეთს, დავამატოთ ცოტა მარილი, მცირე რაოდენობის თბილი წყალი და მოვზილოთ არც ისე სქელი ცომი. დავყოთ ცომი 5 თანაბარ ნაწილად და თითოეული ნაწილი ცალ-ცალკე კიდევ ერთხელ მოვზილოთ დაფაზე. ცომი 1 საათით გავაჩეროთ. შემდეგ ხელსახოცს მოვაყაროთ ფქვილი და გავაბრტყელოთ ზედ 3-4 მმ სისქის ფირფიტები. ვაცალოთ ცოტა გაშრობა, დავჭრათ ნაჭრებად, რომელთა ზომა ტორტის ზომასა და ფორმას უნდა შეესაბამებოდეს, რომელსაც ჩვენ გამოვაცხობთ. "კორჟები" გამოვაცხოთ ღუმელში ორივე მხრიდან. შიგთავსისათვის ავიღოთ ხაჭო, რძე და კვერცხის გულები - ყველაფერი ერთად კარგად გადავურიოთ. ცალკე ავთქვიფოთ კვერცხის ცილა და დავამატოთ მომზადებულ მასას. ფორმას წავუსვათ ცხიმი, მოვათავსოთ მასში 1 კორჟი, მასზე დავდოთ ხაჭოს შიგთავსი და ასე გავაგრძელოთ. სულ ზედა ფენა ხაჭოსი უნდა იყოს. მოვასხათ გამდნარი კარაქი ან მცენარეული ზეთი. ვაცხოთ საშუალო ტემპერატურაზე 1 საათის განმავლობაში. რამდენიმეჯერ ჩავჩხვლიტოთ ტორტის ზედაპირი. გიბანიცა მზად იქნება, როდესაც მისი ზედაპირი მოწითალო ფერის გახდება. სუფრაზე თბილი უნდა მივიტანოთ. მასალა: ცომისათვის 500 გრამი ფქვილი 1 ჩაის კოვზი მცენარეული ზეთი ცოტა მარილი წყალი შიგთავსისათვის 250 გრამი ცხიმიანი ხაჭო 100 გრამი კარაქი ან მარგარინი (სურვილისამებრ) ½ ლიტრი რძე 5-6 ცალი კვერცხი