კატალოგი
ჩანახი თიხის ჯამებში
თითოეულ თიხის ჯამში მოვათავსოთ თხლად დაჭრილი მსუქანი ცხვრის ხორცის ნაჭრები. ორი ცალი საშუალო ზომის მთლიანი პამიდორი (კანიანად), ერთი ცალი ბადრიჯანი, ორი ცალი გაფცქვნილი კარტოფილი - სიგრძეზე ორად გაჭრილი. მოვაყაროთ მარილი და პილპილი. ბადრიჯანი წინასწარ მოვამზადოთ ასე: მოვაჭრათ თავი, ჩავუჭრათ გვერდი და შიგ ჩავაწყოთ მარილმოყრილი ცხვრის დუმის ნაჭრები, წვრილად დაჭრილი ნიორი, რეჰანი, ოხრახუში, ხახვი. ჯამები შევდგათ აირღუმელში და შევწვათ ხორცის გაწითლებამდე. სუფრაზე მივიტანოთ ჯამებითვე, ცალ-ცალკე თითოეულ ადამიანზე. მასალა: ცხვრის ხორცი - ერთი კილოგრამი პამიდორი - 1 კილოგრამი კარტოფილი - 700-800 გრამი ხახვი - 200 გრამი ცხვრის დუმა - 200 გრამი ბადრიჯანი - 6-7 ცალი ნიორი - 1 თავი მწვანილი - 4-4 ძირი პილპილი, მარილი - გემოვნებით