"პრეკო, პრეკო, სინიორე", - გაიძახის ოფიციანტი და სტუმარს გრძელ მენიუს აწვდის, რომელში გარკვევაც უცხოელს ხანდახან უჭირს. ბევრი რამ ითხოვს ახსნას. პირველი კერძი ყოველთვის ფქვილისგანაა მომზადებული, ეს არის პასტა. პასტა შეიძლება იყოს მაკარონი ან სპაგეტი, ტაგლიატელე (ვერმიშელის ნაირსახეობა) ან გნოცი, რაც პატარა "კლიოცკებს" ნიშნავს. პესცე - თევზი, ფრიტო დი პესცე - კარაქში შემწვარი თევზი. პიცა - კვერცხით მომზადებული ნამცხვარია, სხვადასხვა შიგთავსით. ზუპა - სუპია, მინესტრაც სუპია. პოლენტა - სიმინდის ფაფაა, რიზოტო კი ბრინჯი სხვადასხვა ბოსტნეულით. გსურთ ყველის საუკეთესო სორტების გაცნობა? სიამოვნებით - ბელ პაეზე, ბურიელე, გორგონცოლა. და რას უნდა ნიშნავდეს მენიუში შემდეგი დასახელებები: რაგუ დი მონტონე, ჩიპოლე რიპიენე? ამის გარკვევაში ჩვენი რეცეპტები დაგეხმარებათ.