ყველა სკანდინავიურ ქვეყანაში ცხელ კერძს მხოლოდ ერთხელ, სადილზე იღებენ, რომელსაც საკმაოდ გვიან მიირთმევენ. დანარჩენ დროს ჭამენ ბუტერბროდებს, ან სხვა ცივ კერძებს. თუმცა სიტყვა "ბუტერბროდი" დანიაში, შვედეთში, ნორვეგიასა და ფინეთში სხვადასხვაგვარად ჟღერს, იგი ასოცირდება გემრიელ კარაქწასმულ პურის ნაჭერთან, რომელსაც ზემოდან სხვადასხვა სახის მისაყოლებელი ადევს. სკანდინავიელები თვლიან, რომ ბუტერბროტები ძალიან გემრიელი და რაც მთავარია ნოყიერია. დანიელი დიასახლისები აღარ ატარებენ სამზარეულოში იმდენ დროს მას შემდეგ, რაც გაყიდვაში გამოვიდა მზა საუზმეები ცელოფანის პაკეტებში. ბუტერბროტების არჩევანი გვაოცებს თავისი მრავალფეროვნებით. დანიაში 200-მდე სხვადასხვა სახის ბუტერბროდს ითვლიან და ყოველ მათგანს საკუთარი სახელწოდება აქვს, რაც მთავარია, თქვენ ამ 200-იდან ნებისმიერის ყიდვა შეგიძლიათ.