ლობიო მთელი ღამით დავდგათ წყალში, შემდეგ ვშუშოთ დარბილებამდე მცირე რაოდენობის წყალსა და ცხიმში (მარცვლები არ უნდა ჩაიხარშოს). ჯერ კიდევ თბილ ლობიოს დავამატოთ კარაქი, ტომატ-პასტა, ღვინის ძმარი, გატარებული ნიორი და გახეხილი ხახვი. დავამატოთ წვრილად დაჭრილი ბულგარული წიწაკა, მოვაყაროთ მარილი, პილპილი და ყველაფერი კარგად ავურიოთ. შეიძლება არაჟნის დამატებაც. სალათი სუფრაზე ცივი უნდა მივიტანოთ. მასალა: 300 გრამი თეთრი ლობიო 1 სუფრის კოვზი კარაქი ან მარგარინი 2-3 სუფრის კოვზი მცენარეული ზეთი 1 თავი საშუალო ზომის ხახვი ღვინის ძმარი ტომატ-პასტა ნიორის კბილი 2 სუფრის კოვზი დაჭრილი მწვანილი 1 ცალი ბულგარული წიწაკა 2 სუფრის კოვზი არაჟანი პილპილი, მარილი