კაკაო ჩაისა და ყავისაგან იმით განსხვავდება, რომ დიდი რაოდენობით შეიცავს ცხიმოვან და ცილოვან ნივთიერებებს. კაკაოს სასმელი ძირითადად მზადდება კაკაოს ფხვნილის, რძისა და შაქრისაგან. თითო ჭიქაზე ავიღოთ ერთი ჩაის კოვზი კაკაოს ფხვნილი, ორი-სამი ჩაის კოვზი შაქრის ფხვნილი, ავურიოთ, ჩავყაროთ ქვაბში, დავასხათ ცოტა ცხელი რძე ან წყალი და კარგად ავზილოთ, შემდეგ განუწყვეტლივ კოვზით ვურიოთ და თანდათანობით დავასხათ ზედ ცხელი რძე. დავდგათ ცეცხლზე, ავადუღოთ და მერე ჩავასხათ ჭიქებში.