3 ცალი კვერცხი გავთქვიფოთ ერთ ჩაის ჭიქა შაქრის ფხვნილთან ერთად, დავამატოთ 50 გრამი დარბილებული კარაქი, 0,5 კოლოფი შესქელებული რძე, 3 ჩაის კოვზი ხსნადი ყავა, სოდა - გახსნილი ძმარში, 2 ჩაის ჭიქა ფქვილი, ყველაფერი კარგად ავურიოთ, ჩავასხათ ცხიმწასმულ და ფქვილმოყრილ ფორმაში და შევდგათ ღუმელში დაბალ ცეცხლზე. როცა გამოცხვება გავაცივოთ, გავჭრათ შუაზე ჰორიზონტალურად; დავნამოთ ჩვეულებრივი წესით მომზადებული 1 ჩაის ჭიქა ყავით, რომელსაც დამატებული ექნება 2 სუფრის კოვზი კონიაკი ან რომი. წავუსვათ კრემი, დავაფაროთ მეორე ნახევარი, ზემოდანაც წავუსვათ კრემი და ამავე კრემით მოვრთოთ სპეციალური ტორტის მოსართავით. კრემი გავაკეთოთ შემდეგნაირად: გავთქვიფოთ 200 გრამი კარაქი გათეთრებამდე; თანდათან დავამატოთ 0,5 კოლოფი შესქელებული რძე, რომელსაც შერეული ექნება 3 ჩაის კოვზი ხსნადი ყავა. მასალა: კვერცხი - 3 ცალი შაქრის ფხვნილი - 1 ჩაის ჭიქა კარაქი - 250 გრამი შესქელებული რძე - 1 კოლოფი ხსნადი ყავა - 7 ჩაის კოვზი ფქვილი - 2 ჩაის ჭიქა სოდა - 1 ჩაის კოვზი ძმარი - 1 სუფრის კოვზი