ლობიო მოვხარშოთ ჩვეულებრივი წესით, მხოლოდ ისე, რომ ძალიან არ ჩაიშალოს. გადავწუროთ ნახარში, დავნაყოთ ნიგოზი, ნიორი, ხმელი სუნელი, ქინძის თესლი, მარილი, წიწაკა, გავხსნათ ძმარში და ავურიოთ მოხარშულ ლობიოში ისე, რომ ლობიოს მარცვლები ძალიან არ დაიჭყლიტოს. გადავიტანოთ ლანგარზე და ზევიდან მოვაყაროთ რგოლებად დაჭრილი ხახვი, წვრილად დაჭრილი ქინძი და ოხრახუში. მასალა: ლობიო - 1 კილოგრამი ხახვი - 2 თავი ნიგოზი - 1,5-2 ჩაის ჭიქა ძმარი - 0,5 ჩაის ჭიქა ხმელი სუნელი - 2 ჩაის კოვზი ქინძის თესლი - 2 ჩაის კოვზი ოხრახუში, ქინძი - 4-4 ძირი მარილი, ნიორი, წიწაკა - გემოვნებით