კატალოგი
კიბორჩხალი ნიგვზიანი სატენით
კარგად გასუფთავებული კიბორჩხალები მოვხარშოთ მარილწყალში; შემდეგ დავაწყოთ საცერზე; როცა წყალი ჩამოიწურება, კიბორჩხალებს მოვაცილოთ კისერი, ფეხები, ხორცი და დავნაყოთ. ავურიოთ დანაყილი ნიგოზი და ქინძი, მოვაყაროთ დანაყილი დარიჩინი ან მუსკატის კაკალი, მარილი; კარგად ავურიოთ და ამ სატენით ამოვავსოთ კიბორჩხალის წითელი ქალა. სუფრაზე მიტანისას კიბორჩხალები დავაწყოთ მწვანილით მორთულ ლანგარზე. ცალკე ჭურჭლით მივიტანოთ ტყემლის საწებელი. მასალა: კიბორჩხალი - 20 ცალი ნიგოზი - 200 გრამი გამხმარი ქინძი - 1 ჩაის კოვზი დარიჩინი ან მუსკატის კაკალი - 0,5 ჩაის კოვზი მწვანილი - 200 გრამი მარილი - გემოვნებით