საფრანგეთი ცნობილია თავისი სამზარეულოთი და ღვინით. კულინარიისადმი წიგნების მთელი ტომებია მიძღვნილი. ადამიანის სიცოცხლე არ იქნებოდა საკმარისი იმისათვის რომ გაესინჯა ყველა ფრანგული კერძი. ფრანგულ კულინარიას ორი თავისებურება ახასიათებს: პირველ რიგში კერძის მომზადება და მისი მირთმევა ისეთივე მნიშვნელოვანია ფრანგისათვის, როგორც საუბრისადმი სიყვარული და ხელოვნება. ყველაფერს, რაც ამის შესახებ უნდა იცოდეთ, თქვენ იპოვით ბრაიან-სავარენის წიგნში "გემოს ფსიქოლოგია". მეორეც, ფრანგებისათვის კულინარია ხორცშესხმული ხელოვნებაა, სალათებს აქ საოპერო სპექტაკლების სახელწოდებებს აძლევენ - "აიდა", "კარმენი", "ტოსკა", "მინიონი". მრავალი კერძი კი პოეტურ სახელწოდებას ატარებს. ხოლო ცნობილ მზარეულთა შორის აღმოჩნდა ერთი, რომელიც წერდა თავის კულინარიულ რეცეპტებს ლექსების სახით, შემდეგ კი ძველებური მელოდიების მუსიკას ადებდა.