კუბიკებად დაჭრილი ცხვრის ხორცი მოვათავსოთ ქვაბში, მოვაყაროთ მარილი, პილპილი, დავამატოთ წვრილად დაჭრილი ხახვის დიდი ნაწილი, დაფნის ფოთოლი, ტიმიანი. დავასხათ წყალი ისე, რომ დაფაროს შიგთავსი და თავდახურული დავდგათ მოსაშუშად დაბალ ცეცხლზე. როდესაც ხორცი დარბილდება, დავამატოთ კუბიკებად დაჭრილი კარტოფილი და ხახვის დარჩენილი ნაწილი, არავითარ შემთხვევაში არ უნდა მოვურიოთ, უბრალოდ დროდადრო შევანჯღრიოთ, რომ კერძი არ მიიწვას. კარტოფილი ისე უნდა ჩაიხარშოს, რომ ფაფისებრი მასა გამოვიდეს. ხარშვის ბოლოს დავამატოთ წვრილად დაჭრილი ოხრახუში. კერძი სუფრაზე იმავე ჭურჭლით უნდა მივიტანოთ, რომელშიც იშუშებოდა. მასალა: 500 გრამი ცხვრის ხორცი 500 გრამი კარტოფილი 250 გრამი ხახვი მარილი პილპილი 1 ცალი დაფნის ფოთოლი ½ ჩაის კოვზი ტიმიანი ოხრახუში