კატალოგი
ფენოვანი ცომის ტორტი
![](/uploads_script/products/yemynac11asz4sb.jpeg)
ბეჭდვა ![]() |
![]() |
გავთქვიფოთ 1 ცალი კვერცხი, დავასხათ ერთი ჩაის ჭიქა წყალი (ოთახის ტემპერატურის), სამი სუფრის კოვზი ძმარი, სამი სუფრის კოვზი ზეთი, დავაყაროთ სამი ჩაის ჭიქა ფქვილი და მოვზილოთ მაგარი ცომი; გავყოთ სამ ნაწილად თითოეული ნაწილი გავაბრტყელოთ, წავუსვათ 50 გრამი მარგარინი, დავკეცოთ კონვერტისებურად და შევინახოთ მაცივარში (15-20 წუთით). ეს პროცესი გავიმეოროთ სამჯერ.
გამოვიღოთ მაცივრიდან ერთი ნაწილი, გავაბრტყელოთ, დავდოთ, თუნუქის ფურცელზე და შევდგათ კარგად გახურებულ გაზქურის ღუმელში. 5-10 წუთის შემდეგ სიმხურვალე დავუკლოთ და ასე გამოვაცხოთ სამი ფირფიტა. როცა გაცივდება, წავუსვათ კრემი, ერთმანეთზე დავალაგოთ და ზევიდან მოვაყაროთ გვერდებიდან ჩამონაფხვენი.
კრემი მოვამზადოთ შემდეგნაირად:
ოთხი კვერცხისაგან (ორი მთლიანი, ორი გული) და ორი ჭიქა შაქრის ფხვნილისაგან გავაკეთოთ გოგლი-მოგლი; დავამატოთ 5 სუფრის კოვზი ფქვილი, ვანილი, კარგად ავურიოთ და ნელ-ნელა ჩავასხათ ერთ ლიტრ ცხელ რძეში, დავდგათ ცეცხლზე და მივიყვანოთ ადუღებამდე. როცა გაცივდება, შევაზილოთ 150 გრამი დარბილებული კარაქი.
მასალა:
კვერცხი - 5 ცალი
მარგარინი - 450 გრამი
კარაქი - 150 გრამი
ზეთი - 3 სუფრის კოვზი
ფქვილი - 4 ჩაის ჭიქა
ძმარი - 3 სუფრის კოვზი
შაქრის ფხვნილი - 2 ჩაის ჭიქა
რძე - 1 ლიტრი
ვანილი - გემოვნებით
პოპულარული რეცეპტი
![](uploads_script/products/3ndam8rhdh07fyg.jpeg)
გასუფთავებული ხახვის თავები მოვშუშო...
![](uploads_script/products/ybnzl3f1mkf7rd3.jpeg)
ხორცი, ქაშაყი და მოხარშული კარტოფილ...
![](uploads_script/products/n14uwjk7joh93er.jpeg)
პამიდვრები ჩავჭრათ ჯვარედინად და მო...
![](uploads_script/products/73gv4uict5zaxgl.jpeg)
ხორცი და სპეციები ჩავდოთ მდუღარე წყ...
![](uploads_script/products/qrdpnhc2ku7sry2.jpeg)
3 ცალი კვერცხი გავთქვიფოთ ერთ ჩაის ...
![](uploads_script/products/uhspjmoijehgx58.jpg)
ხახვი დავკეპოთ, ჩავყაროთ ქვაბში, მო...