საზამთროს კანი მოვამზადოთ ჩვეულებრივად, როგორც ზემოთ არის აღწერილი. საჭმელი სოდა გავხსნათ ჭიქანახევარ ცხელ წყალში; ქვაბში ჩავასხათ 5  ჭიქა ცივი წყალი, დავასხათ სოდიანი წყალი და ჩავყაროთ შიგ გამზადებული საზამთრო; დავახუროთ ქვაბს სახურავი და ასე გავაჩეროთ 4 საათი. ამის შემდეგ საზამთრო დიდხანს ვრეცხოთ ჩამდინარე წყალში. მურაბის ტაშტში ჩავასხათ 3 ჭიქა ადუღებული წყალი, ჩავყაროთ 600 გრამი შაქრის ფხვნილი და მოვადუღოთ სიროფი. ჩავყაროთ გამზადებული საზამთრო, დავდგათ ცეცხლზე და ვადუღოთ 15-20 წუთი. გადმოვდგათ ცეცხლიდან და გავაჩეროთ მეორე დღემდე. მეორე დღეს დავდგათ ისევ ცეცხლზე, დავაყაროთ დარჩენილი - 600 გრამი შაქრის ფხვნილი, დავდგათ ცეცხლზე, ვხარშოთ, სანამ მზად არ იქნება. ცეცხლიდან გადმოდგმის დროს ჩავყაროთ ვანილი. მასალა: საზამთროს ქერქი (დაჭრილი, გამზადებული) - 1 კილოგრამი შაქრის ფხვნილი - 1,5 კილოგრამი წყალი - 3 ჩაის ჭიქა საჭმლის სოდა - 1,5 ჩაის კოვზი ვანილი - გემოვნებით