თეთრი, საღი ნიგოზის ლებანი გავჭრათ ოთხ ნაწილად. გადარჩეულ გარეცხილ თეთრ ბალს გამოვაცალოთ კურკა და თითოეულში, კურკის ნაცვლად, ჩავდოთ ნიგვზის ლებნის მეოთხედი (შეიძლება მოხალული, კანგაცლილი თხილიც). შემდეგ ბალი ჩავყაროთ წინასწარ მოდუღებულ სიროფში და მოვხარშოთ ჩვეულებრივი წესით. არომატისათვის დავამატოთ ვანილი. მასალა: თეთრი ბალი - 1 კილოგრამი შაქარი - 1 კილოგრამი ნიგოზი ან თხილი - 100 გრამი ვანილი - გემოვნებით