ერთი ჩაის ჭიქა ერბო ან კარაქი 10-15 წუთი ვთქვიფოთ ერთ ჩაის ჭიქა შაქრის ფხვნილთან ერთად. სათითაოდ ჩავახალოთ ოთხი კვერცხი. თან გავაგრძელოთ თქვეფა; დავამატოთ სოდა გახსნილი ძმარში, ორი ჩაის ჭიქა ფქვილი და მოვზილოთ ცომი. მრგვალ ფორმას (28-30 სმ. დიამეტრი) წავუსვათ ცხიმი, მოვაყაროთ ფქვილი, დავდოთ ცომი და გავაბრტყელოთ. დავჭრათ პატარა ნაჭრებად ქლიავი, ფქვილში კარგად ამოვავლოთ, დავაყაროთ დარიჩინი და ზემოდან დავალაგოთ ცომზე. შევდგათ საშუალო სიმხურვალის ღუმელში; როცა გამოცხვება, ზემოდან მოვაყაროთ შაქრის პუდრა. მასალა: ერბო ან კარაქი - 200 გრამი კვერცხი - 4 ცალი შაქრის ფხვნილი - 1 ჩაის ჭიქა ფქვილი - 2 ჩაის ჭიქა სოდა - 1 ჩაის კოვზი ძმარი - 1 სუფრის კოვზი ქლიავი - 1 კილოგრამი დარიჩინი, შაქრის პუდრა - გემოვნებით