150 გრამი კარაქი კარგად გავთქვიფოთ ერთ ჩაის ჭიქა შაქრის ფხვნილთან ერთად, დავამატოთ ერთი ცალი გათქვეფილი კვერცხი, ცოტა მარილი, 0,5 ჩაის ჭიქა ცივი წყალი, დავაყაროთ ფქვილი, მოვზილოთ საშუალო სიმაგრის ცომი და გავაჩეროთ 3-4 საათი; ცომი გავაბრტყელოთ მრგვალ, ცხიმწასმულ, ფქვილმოყრილ ფორმაში და ზემოდან წავუსვათ რომელიმე ხილის სქელი პიურე. ავიღოთ 3-4 ცალი დიდი ვაშლი, გავთალოთ, დავჭრათ თხელ ნაჭრებად და შემოვულაგოთ ნამცხვარს ირგვლივ (გვირგვინისებურად); ზემოდან მოვაყაროთ შაქრის ფხვნილი, დარიჩინი და შევდგათ გამოსაცხობად საშუალო სიმხურვალის აირღუმელში. სუფრაზე მიტანისას მოვაყაროთ შაქრის პუდრა. მასალა: კარაქი - 150 გრამი შაქრის ფხვნილი - 1 ჩაის ჭიქა კვერცხი - 1 ცალი ცივი წყალი - 0,5 ჩაის ჭიქა ფქვილი - რამდენიც დასჭირდება პიურე - 250 გრამი ვაშლი - 3-4 ცალი დარიჩინი, შაქრის პუდრა - გემოვნებით