2 კვერცხი კარგად ავთქვიფოთ 1 ჩაის ჭიქა შაქრის ფხვნილთან ერთად, დავასხათ 3 სადილის კოვზი თაფლი, 100 გრამი დამდნარი კარაქი, სოდა - გახსნილი ძმარში, ვანილი; ეს ნარევი ჩავდგათ ადუღებულ წყალში და გავაცხელოთ დაახლოებით 60°-მდე. გადმოვდგათ და შევაზილოთ 3,5 ჩაის ჭიქა ფქვილი; ცომი გავყოთ ოთხ ნაწილად და გამოვაცხოთ ცალ-ცალკე. როცა განელდება, ფენებს შორის წავუსვათ კრემი, რომელიც შემდეგნაირად მზადდება: 1 ქილა (200 გრამი) არაჟანი გავთქვიფოთ, თანდათან შევათქვიფოთ ერთი ჩაის ჭიქა შაქრის ფხვნილი, სანამ ჰაეროვან მასას არ მივიღებთ. კრემი შედვგათ მაცივარში 2-3 საათით და მერე წავუსვათ. ნამცხვარი შეიძლება მოვრთოთ ამავე კრემით, ან გადავასხათ შოკოლადის მინანქარი. მასალა: კვერცხი - 2 ცალი შაქრის ფხვნილი - 2 ჩაის ჭიქა თაფლი - 3 სუფრის კოვზი კარაქი - 100 გრამი არაჟანი - 200 გრამი ფქვილი - 3,5 ჩაის ჭიქა სოდა - 1 ჩაის კოვზი ძმარი - 1 სუფრის კოვზი ვანილი - გემოვნებით