150 გრამი კარაქი ავურიოთ 50 გრამი შაქრის ფხვნილსა და 250 გრამი ფქვილთან ერთად. დავუმატოთ 100 გრამი არაჟანი, ცოტა მარილი, ვანილი, სოდა - ძმარში გახსნილი, მოვზილოთ ცომი. გავაჩეროთ რამოდენიმე წუთი; ყალიბს წავუსვათ ცხიმი, გადავიტანოთ ცომი და გავაბრტყელოთ, შევდგათ გაზქურაში გამოსაცხობად. გამოვაცხოთ ნახევრად, წავუსვათ რომელიმე ხილის ჯემი შერეული ცოტა რომთან და ზედ დავასხათ ბისკვიტის ცომი, რომელიც შემდეგნაირად მზადდება: კარგად გავთქვიფოთ 4 კვერცხის გული, ნახევარი ჩაის ჭიქა შაქრის ფხვნილი, ერთი ლიმნის წვენი, 100 გრამი ფქვილი; ცომში შევურიოთ 100 გრამი ქიშმიში. როცა გამოცხვება, გავაცივოთ და ზემოდან დავაყაროთ ნებისმიერი ხილი. დარჩენილი 6 კვერცხის ცილა კარგად ვთქვიფოთ მიქსერით, შევათქვიფოთ 1,5 ჭიქა შაქრის ფხვნილი. მიღებული ბეზეს სქელი მასა დავასხათ ხილს. ნიგოზი მოვხალოთ დავჭრათ წვრილად, ტორტს ზემოდან მოვაყაროთ. გასაფორმებლად შეიძლება გამოვიყენოთ ხილიც. მასალა: კარაქი - 150 გრამი ფქვილი - 350 გრამი შაქრის ფხვნილი - 300 გრამი არაჟანი - 100 გრამი ხილის ჯემი - 250 გრამი კვერცხი - 6 ცალი ლიმონი - 1 ცალი (პატარა) ნიგოზი - 0,5 ჩაის ჭიქა ქიშმიში - 100 გრამი ნებისმიერი ხილი - 0,5 კილოგრამი სოდა, ძმარი - თითო ჩაის კოვზი ვანილი, მარილი - გემოვნებით