გადარჩეული, გარეცხილი ხენდრო დავჭყლიტოთ, გამოვწუროთ წვენი და შევინახოთ თავდახურულ ჭურჭელში. ჩურჩები ქვაბში ჩავყაროთ, დავასხათ მდუღარე წყალი, ავადუღოთ და გავწუროთ. ამ წვენში ჩავყაროთ შაქრის ფხვნილი, დავდგათ ცეცხლზე და ავადუღოთ. მდუღარე ვაჟინში (სიროფი) ავურიოთ წინასწარ წყალში დამბალი ჟელატინი, ერთხელ წამოვადუღოთ და ცეცხლიდან გადმოვდგათ, გავწუროთ, ჩავამატოთ ხენდროს წვენი; მასა ჭურჭლიანად მოვათავსოთ ცივ წყალში ან ყინულზე. კარგად გავთქვიფოთ, მერე სასწრაფოდ ჩავასხათ შესაფერ ჭურჭელში და გავაცივოთ. მასალა: ხენდრო - 300 გრამი შაქრის ფხვნილი - 150 გრამი ჟელატინი - 15 გრამი წყალი - 1 ჩაის ჭიქა