ცხვრის მსუქანი ხორცი ნაჭრებად დავჭრათ, მოვათავსოთ ქვაბში, დავასხათ წყალი და ვხარშოთ. მოვხადოთ ქაფი, ჩავყაროთ ბრინჯი, დაჭრილი ხახვი, მარილი და ხშირად მოვურიოთ, რომ ძირი არ მიეწვას. როცა ხორცი და ბრინჯი კარგად მოიხარშება, ჩავაყაროთ დანაყილი პილპილი. სუფრაზე მიტანისას ზემოდან მოვაყაროთ დაჭრილი ოხრახუში. მასალა: ცხვრის ხორცი - 1 კილოგრამი ხახვი - 2 თავი ბრინჯი - 2 ჭიქა ოხრახუში - 4 ძირი მარილი, პილპილი - გემოვნებით