ხახვი გავასუფთავოთ, დავალაგოთ ტაფაზე და შევდგათ ცხელ აირღუმელში. როდესაც ხახვი შეწითლდება და დარბილდება, გამოვიღოთ, დავჭრათ რგოლებად და დავალაგოთ ლანგარზე. წმინდად დავნაყოთ ნიგოზი, ნიორი, ყვითელი ყვავილი, სუნელი; გავხსნათ ძმარში, დავამატოთ წმინდად დაჭრილი მწვანილი - ქინძი, კამა, პიტნა, მარილი, ბროწეულის მარცვლები და ასე ავურიოთ. ყველაფერი ეს მოვასხათ დაჭრილ ხახვს, ზემოდან მოვაყაროთ წმინდად დაჭრილი კამა და ბროწეულის მარცვლები. მასალა: ხახვი - 0,5 კილოგრამი ნიგოზი - 1 ჩაის ჭიქა ბროწეული - 1 ცალი ნიორი - 2-3 კბილი მწვანილი - 3-3 ძირი ძმარი, ზაფრანა, სუნელი, მარილი - გემოვნებით