შეიძლება ბევრმა არ იცის, რომ იტალიური კერძი - რავიოლი, ჩინური წარმოშობისაა. XVIII საუკუნის ცნობილმა მოგზაურმა მარკო პოლომ ის თავის ბარგთან ერთად ჩამოიტანა. ჩინეთში უკულტურობად ითვლება თეფშზე კერძის პირდაპირ დანით დაჭრა. კერძს თავად მზარეული ჭრის მცირე ზომის ნაჭრებად, რომ მოხერხებული იყოს მათი პირდაპირ პირში "გამგზავრება". ჭეშმარიტი კულინარიული ხელოვნება საწებლებით იწყება. მან ხაზი უნდა გაუსვას კერძის გემოს საუკეთესო თვისებებს და გააქროს არასასურველი სურნელი. ჩინელებს უყვართ ერთი შეხედვით შეუსაბამო კომპონენტების გაერთიანება. მათ შეუძლიათ მოხარშონ ბულიონი ერთდროულად ძროხის ხორცის, ფრინველის ხორცისა და თევზისაგან, უყვართ ხორციან კერძებში ქიშმიშის დამატება. ერთმა ბრძენმა ჩინელმა თქვა: "ჩინურ სამზარეულოს ისეთივე მნიშვნელობა აქვს გემოს სამყაროში, როგორც ევროპულ მუსიკას ჰანგების სამყაროში."