კატალოგი
ტორტი ნიგვზიანი
ბეჭდვა |
200 გრამი ერბო კარგად გავთქვიფოთ 200 გრამ შაქრის ფხვნილთან ერთად, დავამატოთ გათქვეფილი კვერცხი, სოდა - ძმრით, 600 გრამი ფქვილი, ხორცსაკეპ მანქანაში გატარებული 300 გრამი ნიგოზი და მოვზილოთ ცომი. ცომი გავყოთ სამ ნაწილად დავდოთ ცხიმწასმულ და ფქვილმოყრილ ყალიბში და ცალ-ცალკე გამოვაცხოთ. ფირფიტებს წავუსვათ კრემი და ერთმანეთზე დავალაგოთ.
კრემი მოვამზადოთ შემდეგნაირად: 200 გრამი შაქრის ფხვნილს დავამატოთ 4 ჩაის კოვზი კაკაოს ფხვნილი, კარგად ავურიოთ და გავხსნათ ¾ ჩაის ჭიქა რძეში, დავდგათ ცეცხლზე და მივიყვანოთ ადუღებამდე. როცა გაცივდება შევათქვიფოთ 100 გრამი კარაქი.
ტორტს ზემოდან მოვაყაროთ მოხალული წვრილად დაჭრილი ნიგოზი.
მასალა:
ერბო - 200 გრამი
შაქრის ფხვნილი - 2 ჩაის ჭიქა
ნიგოზი - 300 გრამი
კვერცხი - 1 ცალი
ფქვილი - 600 გრამი
კაკაოს ფხვნილი - 4 ჩაის კოვზი
რძე - ¾ ჩაის ჭიქა
სოდა - 1 ჩაის კოვზი
ძმარი - 1 სუფრის კოვზი
პოპულარული რეცეპტი
თევზის ფილე გავასუფთავოთ, მოვასხურო...
კარგად გასუფთავებული და თბილ წყალში...
პატარა ზომის მწვანე პამიდვრები დავჭ...
კიტრი გავთალოთ, გავჭრათ სიგძეზე, გა...
მუხუდო გავარჩიოთ, გავრეცხოთ და დავა...
გაზაფხულივით მრავალფეროვანი...