ახალი, თეთრი სოკო გავარჩიოთ, გავრეცხოთ ცივ წყალში, მოვაყაროთ მარილი, დავალაგოთ ტაფაზე და შევდგათ აირღუმელში შესაწვავად. როდესაც საკმარისად შეიწვება, ისე, რომ სოკო ოდნავ შეწითლდება, გამოვიღოთ, დავჭრათ პატარა ნაჭრებად და მოვათავსოთ ღრმა, ფართო ჭურჭელში. შემდეგ დავაყაროთ წმინდად დაკეპილი ხახვი ან მწვანე ხახვი, ქინძი, კამა, ოხრახუში და წმინდად დანაყილი ნიგოზი. დავასხათ სოკოს შეწვის დროს მიღებული წვენი - არეული ღვინის ძმარში. დავუმატოთ ცოტა შავი პილპილი, კარგად ავურიოთ და მოვათავსოთ თეფშზე. ზემოდან მოვაყაროთ წმინდად დაკეპილი ოხრახუში ან კამა. მასალა: სოკო - 500 გრამი ნიგოზი - ¾ ჩაის ჭიქა ხახვი (ან მწვანე ხახვი) - 1-2 თავი (5-6 ძირი) მწვანილი - 4-4 ძირი ძმარი, პილპილი, მარილი - გემოვნებით