200 გრამი კარაქი კარგად გავთქვიფოთ ერთ ჩაის ჭიქა შაქრის ფხვნილთან ერთად. თანდათან დავამატოთ 4 კვერცხის გული. 0,5 ჩაის ჭიქა მაწონი, სოდა - გახსნილი ძმარში და გაფხეკილი ლიმონის კანი. კარგად რომ გაითქვიფება დავაყაროთ 350 გრამი ფქვილი, მოვზილოთ ცომი და გადმოვიტანოთ ცხიმწასმულ ფქვილმოყრილ ფორმაზე. გავაბრტყელოთ და ზემოდან დავალაგოთ კურკაგამოცლილი მწიფე ალუბალი. 4 კვერცხის ცილა კარგად გავთქვიფოთ ერთ ჩაის ჭიქა შაქრის ფხვნილთან ერთად და ალუბალს ზემოდან მოვასხათ. შევდგათ საშუალო სიმხურვალის ღუმელში. როცა გამოცხვება, მოვაყაროთ შაქრის პუდრა. მასალა: კარაქი - 200 გრამი კვერცხი - 4 ცალი მაწონი - 0,5 ჩაის ჭიქა ფქვილი - 350 გრამი ალუბალი - 1 კილოგრამი სოდა - 1 ჩაის კოვზი ძმარი - 1 სუფრის კოვზი ლიმონის კანი - 1 ლიმონის