ლიმონი გავწუროთ და წვენი შევინახოთ თავდახურულ ჭურჭელში. მდუღარე წყალში ჩავყაროთ შაქრის ფხვნილი, ცოტა ლიმონის ქერქი (ცედრა) და ავადუღოთ. მდუღარე სიროფში ჩავასხათ წინასწარ ცივ წყალში დამბალი ჟელატინი. ცილასთან ერთად დავდგათ ნელ ცეცხლზე, მივიყვანოთ ადუღებამდე (ცილა აიჭრება და სიროფი გამჭვირვალე გახდება) და მერე გავწუროთ. გაწურული სითხე ცოტა შევაგრილოთ, ჩავუმატოთ შიგ ლიმონის წვენი, ავურიოთ, ჩავასხათ ყალიბებში და გავაცივოთ. მასალა: ლიმონი - 1 ცალი შაქრის ფხვნილი - 1 ჩაის ჭიქა ჟელატინი - 25 გრამი