ჩვეულებრივი წესით მოვხარშოთ და გავწუროთ ბრინჯი; ფართოძირიან ქვაბში ჩავდოთ ერბო და დავდგათ ცეცხლზე. როცა ერბო გაცხელდება. როცა ერბო გაცხელდება, ჩავასხათ შიგ გათქვეფილი სამი კვერცხი; ერთი-ორი წუთის შემდეგ ჩავყაროთ გაწურული ბრინჯი, დავუმატოთ ერბო და ქვაბსა და სახურავს შორის გადავაფაროთ სველი, გაწურული ტილო; როცა ბრინჯი კარგად გაფუვდება, ფლავი მზად იქნება. ცალკე ქვაბში ავადუღოთ წყალი, ჩავყაროთ შიგ დარჩეული ნუში, გადმოვდგათ ცეცხლიდან და ცოტა ხანს გავაჩეროთ. ნუშს გავაცალოთ კანი, ჩავყაროთ ქვაბში, დავასხათ ნახევარი ჩაის ჭიქა ადუღებული წყალი და ვხარშოთ 15 წუთი. ჩავყაროთ შიგ გარჩეული, გარეცხილი ქიშმიში, უკურკო შავი ქლიავი, შაქრის ფხვნილი, თაფლი, ერბო. ავურიოთ და კიდევ 15 წუთი ვხარშოთ. მოხარშული ფლავი ლანგარზე გადმოვიღოთ, ზემოდან დავასხათ აღნიშნული მასალა. ფლავის ძირში შემწვარი ერბო-კვერცხი დავჭრათ ნაჭრებად და ლანგარზე მოთავსებულ ფლავს გარშემო ლამაზად შემოვუწყოთ.           მასალა: ბრინჯი - 500 გრამი ერბო - 300 გრამი კვერცხი - 3 ცალი გარჩეული ნუში - 200 გრამი ქიშმიში - 200 გრამი შავი ქლიავი - 200 გრამი შაქრის ფხვნილი - 0,5 ჩაის ჭიქა