ერთი ჩაის ჭიქა ერბო გავთქვიფოთ გათეთრებამდე, დავამატოთ ამდენივე შაქრის ფხვნილი, 3 ცალი გათქვეფილი კვერცხი, ერთი ჩაის ჭიქა მაწონი, სოდა - ძმრით და კარგად ავურიოთ. დავაყაროთ იმდენი ფქვილი, რომ მივიღოთ საშუალო სიმაგრის ცომი. ცომი გადავიტანოთ ცხიმწასმულ და ფქვილმოყრილ თუნუქის ფურცელზე. გავაბრტყელოთ დაახლოებით 2 სმ. სისქეზე, ზემოდან დავალაგოთ გარგარი. შეიძლება გამოვიყენოთ თეთრი ბალი, ქლიავი, ალუბალი ან მათივე კომპოტი. როცა გამოცხვება, მაშინვე დავჭრათ, გაციების შემდეგ მოვაყაროთ შაქრის პუდრა, რომელსაც შერეული ექნება ცოტა ვანილი. მასალა: ერბო - 1 ჩაის ჭიქა შაქრის ფხვნილი - 1 ჩაის ჭიქა კვერცხი - 3 ცალი ფქვილი - რამდენიც დასჭირდება მაწონი - 1 ჩაის ჭიქა სოდა - 1 ჩაის კოვზი ძმარი - 1 სუფრის კოვზი შაქრის პუდრა, ხილი, ვანილი - გემოვნებით