კატალოგი
ტორტი ვარდისფერი
ბეჭდვა |
10 კვერცხის ცილა კარგად გავთქვიფოთ. დავამატოთ ერთნახევარი ჩაის ჭიქა შაქრის ფხვნილი, კარგად ავურიოთ და თანდათან შევათქვიფოთ კვერცხის გულები; ავურიოთ ჭიქანახევარი პურის ფქვილი, ვანილი, წინასწარ გახეხილი, ძალიან წითლი ჭარხლიდან გამოწურული 2-3 სუფრის კოვზი წვენი.
ცომი მოვათავსოთ ყალიბში და შევდგათ გაზქურაში გამოსაცხობად. როცა გაცივდება, გავჭრათ შუაზე, გასაჟღენთად მოვასხუროთ სიროფი, რომელიც შემდეგნაირად მზადდება: ერთ ჭიქა ადუღებულ წყალში ჩავყაროთ 2-3 სუფრის კოვზი შაქრის ფხვნილი, დავამატოთ ერთი სუფრის კოვზი კონიაკი ან სპირტი და ფერისათვის დავამატოთ ჭარხლის წვენის წვეთები.
კრემი გავაკეთოთ შემდეგნაირად: 300 გრამი დარბილებული კარაქი კარგად გავთქვიფოთ და ნელ-ნელა შევურიოთ ერთი ჩაის ჭიქა წყლის, ჭიქა-ნახევარი შაქრის ფხვნილისა და ჭარხლის წვეთებისაგან მომზადებული გრილი სიროფი.
ბისკვიტი შუაზე გავჭრათ, გავჟღინთოთ სიროფით, წავუსვათ ვარდისფერი კრემი, ზემოდან მოვრთოთ ამავე კრემით. შეიძება დავამატოთ რომელიმე მურაბა.
მასალა:
კვერცხი - 10 ცალი
შაქრის ფხვნილი - 3,5 ჩაის ჭიქა
კარაქი - 300 გრამი
ფქვილი - 1,5 ჩაის ჭიქა
ჭარხალი - 1 ცალი (ძალიან წითელი)
კონიაკი ან სპირტი - 1 სუფრის კოვზი
ვანილი - გემოვნებით
პოპულარული რეცეპტი
ახლად დაწურული თეთრი ყურძნის ტკბილი...
ბრინჯი გავრეცხოთ და მოვხარშოთ, გადა...
კომბოსტო გავრეცხოთ, 10 წუთით ჩავუშვ...
წვრილად დაჭრილი ხახვი შევბრაწოთ კარ...
ორი კვერცხი ცილიანად ავთქვიფოთ, თან...
ავიღოთ გარეცხილი, მსუქანი ძროხის ხო...