კატალოგი
ქადა (მესამენაირად)
კარაქი ან მარგარინი დავკეპოთ დანით, დავაყაროთ პურის ფქვილი და გავაგრძელოთ დაკეპვა, დავამატოთ სოდა, გახსნილი ძმარში და თანდათან მივუმატოთ მაწონი (მივიღებთ დაკეპილ ცომს). გავყოთ ცომი ოთხ ნაწილად, გავაბრტყელოთ სათითაოდ, დავაყაროთ ქადის გული, გადავკეცოთ, გადმოვკეცოთ და შევდგათ მაცივარში. ასე მოვიქცეთ თითოეული ცომის დამუშავებისას; გავიმეოროთ 2-3-ჯერ; შემდეგ გავაბრტყელოთ, გამოვჭრათ ფორმებით, ზემოდან წავუსვათ კვერცხის გული, დავალაგოთ ფქვილმოყრილ თუნუქის ფურცელზე და შევდგათ გაზქურაში გამოსაცხობად. ქადის გული მოვამზადოთ შემდეგნაირად: პურის ფქვილი მოვშუშოთ ტაფაზე, დავამატოთ ერბო და გავაგრძელოთ შუშვა; დავამატოთ შაქრის ფხვნილი, ვანილი და გავყოთ ოთხ ნაწილად. მასალა: ცომისათვის კარაქი ან მარგარინი - 500 გრამი მაწონი - 0,5 ლიტრი კვერცხი - 2 ცალი სოდა - 1 ჩაის კოვზი ძმარი - 2 სუფრის კოვზი მარილი - გემოვნებით ქადის გულისათვის ერბო - 9 სადილის კოვზი შაქრის ფხვნილი - 1,5 ჩაის ჭიქა ფქვილი - 3 ჩაის ჭიქა ვანილი, მარილი - გემოვნებით