ქორფა, ახალი კიტრი გადავარჩიოთ, გავრეცხოთ და ჩავაწყოთ მინის ქილაში; მოვაყაროთ დაფნის ფოთოლი, ნიორი, წიწაკა, ალუბლის ფოთლები; დავასხათ ზედ მდუღარე სუფთა წყალი და გავაჩეროთ 5 წუთი. წყალი გადავწუროთ და ამის შემდეგ ჩავყაროთ ქილაში მშრალად ლიმონის მჟავა (სამლიტრიან ქილაზე 1 ჩაის კოვზი); დავასხათ ადუღებული მარილწყალი (1 ლიტრ წყალზე 2 სუფრის კოვზი მარილი). ცხელსვე მოვუხუფოთ თავი თუნუქის სახურავით და შევინახოთ სტერილიზაციის გარეშე.