1 კილოგრამ გარეცხილ ხილს დავაყაროთ 500 გრამი შაქრის ფხვნილი და დავდგათ ორი საათით (ატამი, გარგარი თხლად დავჭრათ და შაქარი ფენა-ფენა მოვაყაროთ). 2 საათის შემდეგ დავასხათ 1 ლიტრი ანადუღარი, გრილი წყალი და მიქსერით ავთქვიფოთ; შემდეგ საცერში გავატაროთ; საცერზე დარჩენილ მასას დავასხათ 1 ლიტრი ანადუღარი, გაგრილებული წყალი, დავამატოთ 1 ცალი კანიანად დაჭრილი ლიმონი (ან ცოტა ლიმონის სიმჟავე) და ისევ ავთქვიფოთ მიქსერით. შემდეგ დოლბანდში გავწუროთ; მიღებულ წვენს დავამატოთ 1 ლიტრი ადუღებული წყალი, მოვურიოთ და შევდგათ მაცივარში. სუფრაზე მიტანის წინ სასმელიან ჭიქებში ჩავყაროთ ყინული.