6 კვერცხის დიდხანს ვთქვიფოთ 1 ჩაის ჭიქა შაქრის ფხვნილთან ერთად; დავამატოთ სოდა - გახსნილი ძმარში, ერთი ჭიქა ფქვილი, ფრთხილად ავურიოთ, ჩავასხათ ყალიბში და გამოვაცხოთ ნელ ცეცხლზე, როგორც ჩვეულებრივი ბისკვიტი. როცა კარგად გაცივდება, წავუსვათ კრემი, რომელიც შემდეგნაირად მზადდება: 150 გრამი კარაქი ავთქვიფოთ; ნელ-ნელა დავამატოთ ერთი ჩაის ჭიქა შაქრის ფხვნილი და თითო ჩაის კოვზით შევათქვიფოთ 1 ჩაის ჭიქა ოდნავ თბილი რძე. დავამატოთ ცოტა კონიაკი და ვანილი. მასალა: კვერცხი - 6 ცალი შაქრის ფხვნილი - 2 ჩაის ჭიქა კარაქი - 150 გრამი რძე - 1 ჩაის ჭიქა სოდა - 0,5 ჩაის კოვზი ძმარი - 1 ჩაის კოვზი კონიაკი, ვანილი - გემოვნებით