მოვხარშოთ ლობიო ჩვეულებრივი წესით, მხოლოდ ისე, რომ ძალიან არ ჩაიშალოს. კარგად დავნაყოთ ნიორთან ერთად ნიგოზი, ზეთი გამოვხადოთ და შევინახოთ ცალკე ჭურჭელში. დავნაყოთ ახალი ქინძი. მოხარშულ ლობიოში ავურიოთ დანაყილი ნიგოზი და ქინძი, დავდოთ თეფშზე, შუაში ჩავაღრმავოთ, შიგ ჩავასხათ გამოხდილი ზეთი. გარშემო შემოვუწყოთ მრგვალად დაჭრილი ხახვი. მასალა: ლობიო - 1 კილოგრამი ნიგოზი - 1,5-2 ჩაის ჭიქა ქინძი - 4-5 ძირი ნიორი, მარილი - გემოვნებით