სხვისი ქალაქი ძილისაგან იღვიძებს. ქუჩებში ჩნდებიან გლეხები ხახვითა და ნივრით დატვირთული ურიკებით. ისინი ბაზრისაკენ მიემართებიან. ქალები ტექსტილის ფაბრიკაზე სამუშაოს მიიჩქარიან. სავარძლებზე გადაწოლილი მოხუცები მზეზე თბებიან და გრძელ ჩიბუხებს აბოლებენ. ახლა სწორედ ის დროა, რომელმაც მეორე სახელი უწოდა ქვეყანას - ჯანსაღი დილის ქვეყანა. სადღაც გონგის ხმა ისმის. "მობრძანდით სასაუზმოდ", - ამბობს მომღიმარი გოგონა. თბილ იატაკზე დასაჯდომად გათვალისწინებული აბრეშუმის ბალიშები აწყვია. სუფრაზე თაფლშერეული ბრინჯის ფაფა და მწვანე ჩაი მოაქვთ, რასაც უფრო მსუყე საჭმელი, სუპი - ცზო კოგი ბოკუმი მოსდევს.