ცხარე და ტკბილი მწვანე წიწაკა, ქინძის, ოხრახუშისა და ნიახურის გაფოთლილი ღეროები (ნორჩი), ცერეცო და ნიორი გავატაროთ ხორცსაკეპ მანქანაში. შემდეგ დავამატოთ დანაყილი ქინძის თესლი, ღვინის ძმარი, მარილი და კარგად ავურიოთ. მიღებული მასალა მოვათავსოთ ქილაში, ისე, რომ ¾ შეივსოს, მოვუკრათ თავი და შევინახოთ მშრალ, გრილ ადგილას. ასეთი აჯიკის მომზადება სასურველია ოქტომბრის თვეში. მასალა: ცხარე, მწვანე წიწაკა - 1 კილოგრამი ბულგარული მწვანე წიწაკა - 500 გრამი ქინძი - 250 გრამი ოხრახუში - 250 გრამი ცერეცო - 250 გრამი ნიახური - 150 გრამი ქინძის თესლი - 1 სუფრის კოვზი ნიორი, ღვინის ძმარი, მარილი - გემოვნებით