8 კვერცხის გული კარგად გავთქვიფოთ 2 ჩაის ჭიქა შაქრის ფხვნილთან ერთად, დავამატოთ 400 გრამი გამდნარი კარაქი, 400 გრამი არაჟანი, სოდა - გახსნილი ძმარში, ვანილი, 5 ჩაის ჭიქა ფქვილი, ცომი მოვზილოთ კოვზით, ჩავასხათ ცხიმწასმულ ყალიბში და შევდგათ საშუალო სიმხურვალის ღუმელში გამოსაცხობად. როცა გამოცხვება, გავაგრილოთ. ამოვიღოთ ყალიბიდან და წავუსვათ კრემი რომელიც შემდეგნაირად მზადდება: 8 კვერცხის ცილა ვთქვიფოთ გათეთრებამდე; ნელ-ნელა შევათქვიფოთ 2 ჩაის ჭიქა შაქრის ფხვნილი, როცა კარგად გასქელდება, დავამატოთ სახეხზე გახეხილი ან ხორცსაკეპ მანქანაში გატარებული 2-3 ცალი ლიმონი. ბისკვიტი გავჭრათ შუაზე, წავუსვათ კრემი, დავაფაროთ მეორე ნახევარი, ზემოდანაც ლამაზად წავუსვათ კრემი. მასალა: კვერცხი - 8 ცალი შაქრის ფხვნილი - 4 ჩაის ჭიქა კარაქი - 400 გრამი არაჟანი - 400 გრამი ფქვილი - 5 ჩაის ჭიქა ლიმონი - 2-3 ცალი სოდა - 1 ჩაის კოვზი ძმარი - 1 სუფრის კოვზი ვანილი - გემოვნებით