საერთაშორისო გამოფენებზე იაპონიის გამორჩევა ყოველთვის შეიძლება სახასიათო ეტიკეტებით, რომელზეც ჩაია გამოსახული. ჭრელ კიმონოებში გამოწყობილი ქალიშვილები მწვანე ჩაით სავსე ფიალებს დაატარებენ. დაბალ მაგიდებზე კი სარეკლამო ბარათებს წააწყდებით, რომლებზეც წერია: "ჩამობრძანდით იაპონიაში გაზაფხულზე, ალუბლების ყვავილობისას და თქვენ მის სულს აღმოაჩენთ. პოეტების მიერ ხოტბაშესხმული საკურა იაპონური ეროვნული ხასიათის გამოხატულებაა." სინამდვილეში ცხოვრება იაპონიაში მხოლოდ ყვავილები და ჩაი არ არის. ტაიკოტუ ტყუილად არ წერს, რომ "კლიოცკი ყვავილებს ჯობია". ვინც იმაზე ზრუნავს, თუ როგორ გამოკვებოს ოჯახი, მას არ რჩება დრო იმისათვის, რომ ყვავილოვანი ბოჰემით დატკბეს.