ბრინჯი გავარჩიოთ, გავრეცხოთ, ჩავყაროთ ხორცის ბულიონში. იქვე ჩავამატოთ კარაქში მსუბუქად შემწვარი ხახვი. ხორცი გავატაროთ ხორცსაკეპ მანქანაში. დავამატოთ კვერცხი, მარილი, პილპილი, მწვანილი. როდესაც ბრინჯი ნახევრად მზად იქნება, 2-3 სუფრის კოვზი დავდგათ დასაწურად, როდესაც დაიწურება, შევურიოთ ხორცის ფარშს. მიღებული მასისაგან გავაკეთოთ 8 ცალი დიდი ზომის ბურთულა, ჩავუშვათ ისინი მდუღარე ბრინჯის სუპში და ვხარშოთ მზადყოფნამდე დაბალ ცეცხლზე. მზა ბურთულები გადავანაწილოთ თეფშებზე. ავთქვიფოთ რძესთან ერთად 2 ცალი კვერცხი და ჩავუშვათ ეს მასა სუპში, თან ვურიოთ. სუპს მოვაყაროთ მწვანილი. მასალა: 2 ლიტრი მაგარი ხორცის ბულიონი ¾ ჭიქა ბრინჯი 500 გრამი ცხვრის ან ღორის ხორცი 3 ცალი კვერცხი 1 დიდი თავი ხახვი 1 სუფრის კოვზი კარაქი ცოტა რძე პილპილი, მარილი წვრილად დაჭრილი მწვანილი (კამა, ოხრახუში)