ამერიკის საწარმოები დიდი რაოდენობით უშვებენ საკვებ პროდუქტებს, განსაკუთრებით კი დამუშავებული სახით. ჩვეულებრივ ეს პროდუქტები კონსერვირებული, დაფასოებული და მოხმარებისათვის სრულად მომზადებულია. თქვენ მხოლოდ კონსერვის ქილის გახსნა ან პროდუქტის გაცხელება გიწევთ. მაგრამ მაინც რას მიირთმევენ ამერიკაში? თურმე სან-ფრანცისკოში ენჩილადასი უყვართ, ეს არის ბლინები ესპანურად, კარგად პილპილმოყრილი ხორცის შიგთავსით. პიტსბურგში შეგიძლიათ გასინჯოთ ორიგინალური გერმანული ხორცის ჟარკოე მჟავე კომბოსტოთი. ნიუ-იორკში კი ჩინური და აფრიკული წესით მომზადებული კერძებითაც კი გაგიმასპინძლდებიან. ტიპიური ამერიკული კერძები ყოველივესა და ყველაფრის ნაზავს წარმოადგეს, რის შედეგადაც ვიღებთ "ჭრელ", კონტრასტებზე აწყობილ გემოს თამამ კომბინაციებს. ამ ყველაფრიდან გამომდინარე ამერიკული სამზარეულო გასაოცარ, ოდნავ შოკისმომგვრელ შთაბეჭდილებასაც კი ტოვებს.