ბელორუსიული სამზარეულოს თავისებურებას ქვეყნის გეოგრაფიული მდებარეობა განსაზღვრავს, ის მძლავრ და მსხვილ გეოპოლიტიკურ რეგიონებს შორისაა მოქცეული, რომელთა გავლენასაც ყოველთვის განიცდიდა. ბელორუსიული კერძების შემადგენელი ძირითადი კომპონენტი კარტოფილია, მას ძირითადად გახეხილი ფორმით იყენებენ ისეთი კერძების მოსამზადებლად, როგორებიცაა - დრანიკი, ჯადოქრები, კარტოფილის ბაბკა და სხვა. ასევე პოპულარულია სოკო, სხვადასხვა სახის ბურღულეული, ღორის ხორცი, თევზი და ბოსტნეული.