აზერბაიჯანის ტერიტორიის ნახევარზე მეტი მთებს უკავია, მის მიწაზე ათასამდე მდინარე მიედინება, კლიმატი კი სუბტროპიკულია. აზერბაიჯანში სამოგზაუროდ ყველაზე კარგი პერიოდი აპრილიდან ოქტომბრამდეა, ამ დროს იქ თბილი და მშრალი ამინდებია. აზერბაიჯანელები, ისევე როგორც სხვა მუსულმანები არ ჭამენ ღორის ხორცს, ამიტომაც ხორციანი კერძების მოსამზადებლად ძირითადად ცხვრის ხორცს იყენებენ.  ძალიან უყვართ სანელებლები - მწარე პილპილი, მიხაკი, დარიჩინი... რაც მათ კერძებს ტემპერამენტულ და ცეცხლოვან ელფერს სძენს.