ერთი ქილა არაჟნისა და 200 გრამი კარაქის ნარევს დავამატოთ სოდა - გახსნილი ძმარში, მოვზილოთ ნაზი ცომი. ცომი გავყოთ ოთხ ნაწილად; თითოეული გავაბრტყელოთ; დიაგონალურად გავჭრათ რვა ნაწილად; თითოეულზე დავდოთ გულსართი და გადავახვიოთ (სიგარის მსგავსად), დავალაგოთ თუნუქის ფურცელზე და შევდგათ აირღუმელში გამოსაცხობად. გულსართი მოვამზადოთ შემდეგნაირად: 200 გრამ ხაჭოს დავაყაროთ ერთი ჩაის ჭიქა შაქრის ფხვნილი, 0,5 ჩაის ჭიქა ფქვილი, კარგად ავურიოთ და გამოვიყენოთ. მასალა: ცომისათვის არაჟანი - 1 ქილა კარაქი - 200 გრამი სოდა, ძმარი - თითო ჩაის კოვზი ფქვილი - რამდენიც დასჭირდება გულსართისათვის ხაჭო - 200 გრამი შაქრის ფხვნილი - ერთი ჩაის ჭიქა ფქვილი - 0,5 ჩაის ჭიქა